По шеснаесетти пат планинарски марш во чест на Борис Трајковски

Петнаесет планинари од Струмица и Валандово денеска од пред споменикот „Македонија“, подигнат во чест на вториот македонски претседател, тргнаа на шеснаесеттиот марш во чест на Борис Трајковски.

Заради пандемијата од Ковид-19 годинашниов марш е со редуцирана програма, односно планинарите ќе пешачат до село Дедино, а на 26 овој месец ќе поминат уште една етапа во Скопје, до гробот на Трајковски на гробиштата Бутел.

Среќен пат на планинарите им посака градоначалникот на Струмица, Коста Јаневски.

Триесет планинари од Струмица и Валандово денес пешачат и по падините на планината Беласица. Тие традиционално се искачуваат на врвот „Ботра“ кој го носи името на Трајковски, на надморска височина од 1.880 метри.

Маршот традиционално го организира ПАОК „Ентузијаст“ од Струмица.