Според анкетата на МЦМС Јаневски меѓу десетте најдобри градоначалници

Митко Јанчев, актуелниот градоначалник на Кавадарци бил најчесто избиран како
најдобар од страна на испитаниците кои одговориле на отвореното прашање: „Според
вас, кој е најдобриот градоначалник во Македонија?“ За него се изјасниле 10,5% од
испитаниците. На второ место е Арбен Таравари, актуелниот градоначалник на
Гостивар, а трет е Максим Димитриевски, градоначалникот на Куманово. На следните
три места се Теута Арифи (Тетово), Висар Ганиу (Чаир) и Петре Шилегов (Скопје) за кои
се изјасниле 3,5% односно 3,3% и 3,2%, респективно.

Исти процент испитаници (2,4%) се изјасниле за градоначалниците Стефан Богоев (Карпош), Борче Митевски (Петровец), Коста Јаневски (Струмица) и Саша Богдановиќ (Центар).

За градоначалникот на Илинден, Жика Стојановски се изјасниле 2,0% од испитаниците. Потоа следуваат уште 12 градоначалници за кои се изјасниле меѓу 1,9% и 1,0% (Графикон 10).

За вкупно 44 градоначалници се изјасниле помалку од 1% и тие се претставени во колоната други, додека 14 градоначалници воопшто не се спомнати од испитаниците.