ВМРО ДПМНЕ обвинува за закани и притисоци, СДСМ дека шират лаги и манипулации

Во продолжение ги пренесуваме интегрално соопштенијата на ВМРО ДПМНЕ и СДСМ.

Борче Цветков  – Претседател  на  ОО СДСМ  Струмица  Изборите ќе ги изгубите,  ама  барем  да се зачува  достоинството !

Почитувани сограѓани,

СТРУМИЦА НА ОВИЕ ИЗБОРИ СТАНА СИМБОЛ НА МАКЕДОНСКАТА СЛОБОДА!   

Многу скоро наша  Струмица ќе стане симбол на правдата и борбата против корупцијата и криминалот.  Струмица го препозна важноста на  моментот  и  враќање назад нема! 

Со ова обраќање Општинскиот Комитет на ВМРО-ДПМНЕ  известува и предупредува  на притисоци од СДСМ која е во паника поради поразувачките резултати на првиот круг од Претседателските избори.

Голем број на вработени во администрацијата се жалат на притисоци и закани. СДСМ се обидува да шири страв со уцени најпрвин кон голем број  свои членови  и  активисти,  а потоа се дрзнува да упатува закани и застрашувања на активистите на ВМРО-ДПМНЕ.

Веќе втор пат е каменуван штабот на ВМРО-ДПМНЕ во Вељуса што е уредно пријавено од страна на наши сограѓани.

Ист случај на каменување е пријавен и во Габрово.  Во Турското маало се вршат притисоци во два часот по полноќ.  Граѓаните  се поплакуват дека  Партијата на власт која е во заминување се уште си дозволува  да ги заплашува  ранливите категории на граѓани со укинување на  помош и  примања.

Ги охрабруваме сите наши  сограѓани,  особено  членовите на  СДСМ  кои се ослободија  и веќе го напуштат бродот на СДСМ кој  тоне  да не подлегнуват  на заканите и притисоците.  Апелираме до администрацијата да не подлегнуват на никакви притисоци и закани и уредно да ги пријавуват.

Знаеме  дека  станува многу  сложено да се контролира паниката во Општинската Организација на СДСМ во Струмица  како резултат на лошото владеење во сите мандати на локална и национална власт,  но му препорачуваме на Претседателот на ООСДСМ Струмица:

Изборите ќе ги изгубите,  барем  да го сочуваме достоинството !

                                                           ОПШТИНСКИ КОМИТЕТ  ВМРО-ДПМНЕ-СТРУМИЦA 

Почитувани граѓани,

Јас, Борче Цветков, претседател на Општинската организација на СДСМ Струмица и кандидат за пратеник од СДСМ во Изборната единица 4, најостро ги демантирам и отфрлувам сите обвинување упатени кон мене од страна на Општинскиот комитет на ВМРО ДПМНЕ.

Но, тоа е ДПМНЕ, освен да шират лаги и да манипулираат со народот, ништо друго и не знаат.

Ниту сме во паника, ниту пак сме вршеле, ни ќе вршиме притисоци и закани на вработени во администрацијата, ниту пак укинуваме социјална помош, НИКОГАШ ДОСЕГА ТАКВО НЕШТО НЕ СМЕ ПРАВЕЛЕ. ДПМНЕ се мајстори за тоа и немаме намера да им го земаме занаетот. А уште помалку да им се закануваме на нивните активисти и да шириме страв меѓу членовите и активистите на СДСМ. Поголеми небулози од овие досега не сме слушнале.

Тенденциозно е небулозно е и обвинувањето за наводно каменување на штабовите на ВМРО ДПМНЕ во Вељуса и Габрово. Па ВМРО ДПМНЕ беше и останува е синоним за вандализам, што е потврдено на фотографиите коишто се во прилог.

И за крај, сонот за Струмица НИКОГАШ нема да ви се оствари. Струмица НИКОГАШ НЕМА ДА БИДЕ ВАША. Дваесет години го соновувате тој сон и уште најмалку толку ќе сонувате и ќе копнеете по неа. Деновиве сте се расшетале по неа и не можете да и се нагледате колку е различна и напредна за разлика од општините каде што вие владеете. Запознајте ја и разгледајте ја, за да ви биде уште повеќе мака по 8 мај, затоа што нема да ја освоите.

Битката е изгубена, но не и војната.