Двајца возачи повредени во сообраќајка на Валандовско брдо

Синоќа 25 минути по полноќ во Полициската станица Валандово било пријавено дека на регионален пат Валандово – Струмица, на местото „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од К.Т.(31) од Гевгелија и патничко возило „пежо“ со струмички регистарски ознаки, управувано од С.Д.(30) од Струмица, соопштија денеска од СВР Струмица.

Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија.

Увид на местото извршила екипа на Полициската станица Валандово.

Фото: архива