AMD Strela

 

На 10 мај Отворен ден на Универзитет Американ Колеџ Скопје

На 10 мај Отворен ден на Универзитет Американ Колеџ Скопје
Објавено на: 08 May 2019

Младите кои трагаат по модерно високо образование преку кое ќе станат конкурентни поединци со врвни вештини имаат одлична можност да го постигнат тоа со продолжување на своето образование на факултетите на Универзитетот Американ Колеџ Скопје (УАКС). 

На 10. мај 2019 година од 12:00 до 17:00 часот на Универзитет Американ Колеџ Скопје ќе се одржи отворен ден, каде сите идни и сегашни студенти ќе се запознаат со можностите и придобивките од студирање наовој универзитетот. Освен информации за студиските програми, идните студенти кои ќе се запишат за време на отворениот ден добиваат 5 проценти попуст на школарината.

Во рамките на Отворениот ден, сите заинтересирани за квалитетно високо образование ќе добијат детални информации за различните факултети, наставните програми и современата методологија што се применува во текот на студиите. Ќе бидат претставени факултетите за деловна економија и организациски науки, архитектура и дизајн, компјутерска техника и информатика, странски јазици, правни науки,факултетот за политички наукии катерда за психологија.

Информациите за посебните факултети ќе можат да се добијат на посебни информативни пултови, каде ќе бидат достапни и информации за стипендиите кои ги нуди Американ Колеџ и можноста за практична работа во компаниите кои се членки на бизнис советот на УАКС, а професорскиот кадар ќе нуди дополнителни стручни објаснувања за различни аспекти од студиските програми.Истовремено, на  отворениот ден,сите заинтересирани ќе имаат можност да се информираат за Еразмус плус програмата која е достапна за студенти од додипломски и пост-дипломски студии, преку која се нуди студирање во 28 – земји членки на Европската Унија, како и Исланд, Норвешка, Лихтенштајн и Турција.

Универзитет Американ Колеџ Скопје за да овозможи навремено информирање, организира и превоз за сите заинтересирани идни и сегашни студенти од другите градови од земјата. Сите заинтересирани за присуство на отворениот ден  може да се пријават наnetworking@uacs.eu.mk, по што ќе добијат прецизни информации за организираниот превоз до Скопје.

По официјалниот дел од Отворениот ден на УАКС, посетителите ќе може да уживаат и во добра забава со средношколскиот бенд од ДСУ Гимназија Никола Карев.

Универзитетот Американ Колеџ Скопје е основан 2005-та година и е единствениот меѓународно акредитиран универзитет во нашава земја со признание од Советот за акредитација на бизнис школи и програми (ACBSP) од Соединетите Американски Држави. Оваа високообразовна институција ги комбинира најдобрите методи и практики од американскиот и европскиот образовен систем, пресретнувајќи ги очекувањата на студентите. АмериканКолеџ Скопје е во континуирана активна соработка со седумте највисоко рангирани универзитети во светот, а студентите имаат можност да го продолжат своето образование во реномирани странски високообразовни институции како: Меѓународниот универзитет одВирџинија (САД), Универзитетот Џон Кабот (Италија), Веларус Колеџ (Белгија), Универзитетот во Вормс (Германија) и многу други.

Media Flesh

 

ВИДЕО

FACEBOOK