AMD Strela

 

Владата донесе дополнителни ограничувања на движењето на граѓаните

Владата донесе дополнителни ограничувања на движењето на граѓаните
Објавено на: 23 Mar 2020

На 26-тата седница на Владата на Република Северна Македонија е донесена одлука за измени и дополнувања на одлуката за ограничување на движењето на граѓаните на целата територија во земјата.

Забраната за движење за сите граѓани од 21:00 до 06:00 часот, се заменува со ограничување на движењето од 21:00 до 05:00 часот заради гужвите што се создадоа во јавниот превоз и заради потребата на граѓаните да стигнат на работните места во утринските часови.



Дополнително, Владата донесе одлука да се забрани движењето на граѓаните над 67 години од 11:00 часот до 05:00 часот следниот ден.



Владата на вечерашната седница донесе уште една одлука за ограничување на движењето на младите до 18 години и за нив забраната за движење ќе започнува во 21 часот и ќе трае до 12 часот наредниот ден.



Новите одлуки за ограничување на движењето ќе важат од 24 март 2020 година.

Media Flesh

 

ВИДЕО

FACEBOOK